Almaty haıýanattar baǵynda Stella men Aına esimdi aqbókender laqtady. Bul týraly qalalyq Mádenıet basqarmasynyń ókilderi aıtty, - dep habarlaıdy alnews.ha
Aqbóken (Saiga tatarica) – muz dáýirinen beri jer betinde saqtalyp kele jatqan janýarlar dúnıesiniń eń kóne ókilderiniń biri. Qazirgi tańda bul sırek túr erekshe qorǵaýǵa alynyp, tabıǵatty saqtaý turǵysynan mańyzdy mártebege ıe.
Mamandardyń aıtýynsha, jańa týǵan laqtardyń jaǵdaıy jaqsy. Olar ósip-jetilip, analarynan bir eli ajyraǵan emes. Ázirge tólder ana sútimen qorektenýde, al ýaqyt óte kele tabıǵı ósimdik tektes azyqqa birtindep beıimdeledi.
Almaty haıýanattar baǵy aqbókenderdi qolda ósirip, turaqty túrde tól alyp otyrǵan sanaýly zoologıalyq mekemelerdiń biri. Mamandar muny sırek kezdesetin janýar túrin saqtaýǵa jáne bıologıalyq alýandyqty qorǵaýǵa baǵyttalǵan jumystyń mańyzdy nátıjesi retinde baǵalaıdy.
Qazir laqtardyń jasy shamamen bir aıǵa taıaǵan. Olar veterınar mamandardyń turaqty baqylaýynda bolyp, jasyna saı damyp keledi.
Búginde haıýanattar baǵyna kelýshiler aqbókenniń súıkimdi laqtaryn kórip, qazaq dalasynyń eń sırek janýarlarynyń birin tamashalaı alady.
