«Almaty Clean&Green» senbiliginde qala tazalaý jáne jappaı aǵash otyrǵyzý jumystary júrgiziledi

2025 jyly 23 naýryzda Almatyda «Taza Qazaqstan» baǵdarlamasy jáne «Almaty – ortaq úıimiz» naýqany aıasynda «Almaty Clean&Green» qalany tazartý boıynsha aýqymdy jalpyqalalyq aksıa ótedi. Bul is-shara Naýryznama merekesi aıasynda atap ótiletin Tazarý kúnine oraılastyrylǵan.

Aksıa búkil qala aýmaǵynda uıymdastyrylyp, qoǵamdyq keńistikterdi, demalys aımaqtaryn, saıabaqtar men skverlerdi, sondaı-aq aýlalardy qamtıdy. Negizgi is-sharanyń biri – qala turǵyndarynyń qatysýymen ótetin aǵash otyrǵyzý naýqany bolady.

Almaty ákimdigi aksıa qatysýshylaryna kóshet, qolǵap, qap, kúrek, tyrma syndy tazalaý jáne otyrǵyzý quraldaryn usynyp, qajetti qoldaý kórsetedi. Jınalǵan barlyq qoqys qaıta óńdeý úshin polıgonǵa shyǵarylady.

Aksıa 23 naýryz saǵat 09:00-de bastalyp, qalanyń birneshe ornynda ótedi:

·                   Alataý aýdany – 1. Boraldaı ózeni boıyndaǵy gabıondar (Shańyraq-2 sh/a.,); 2. Boraldaı ózeni boıyndaǵy baqylaý alańy – https://2gis.kz/almaty/geo/9430073144770646/76.834122,43.291694

·                   Almaly aýdany – Dúısenov kóshesi (Rozybakıevten batys baǵytta)

·                   Áýezov aýdany – Shalov kóshesi boıymen, Prokofev kóshesindegi jaıaý júrginshiler aımaǵy

·                   Bostandyq aýdany – «Ońtústik» saıabaǵy

·                   Jetisý aýdany – 1. Jangeldın atyndaǵy skver; Kókmaısa skveri – https://2gis.kz/almaty/geo/9430073144770623/76.902129,43.306900 

·                   Naýryzbaı aýdany – Abaı dańǵyly boıymen

·                   Medeý aýdany – Esentaı ózeniniń jaǵalaýy (Ál-Farabı dańǵylynan Jamaqaev kóshesine deıin) – https://2gis.kz/almaty/geo/70030076189990562/76.932582,43.218501

·                   Túrksib aýdany – S. Seıfýllın atyndaǵy saıabaq, Aýǵan soǵysy ardagerleriniń skveri

Qala turǵyndaryna yńǵaıly bolý úshin Abaı-Baıtursynov dańǵylynan senbilik ótetin negizgi oryndarǵa deıin arnaıy avtobýs qatynaıdy.