Almaty qalasyndaǵy Ál-Farabı atyndaǵy №145 mektep-gımnazıada «Ǵalymmen sabaq: ýnıversıtet ǵylymy – mektep oqýshysyna» ǵylymı-ádistemelik bilim berý jobasy ótti. Abaı atyndaǵy Qazaq ulttyq pedagogıkalyq ýnıversıtetiniń Fılologıa fakúlteti men mektep birlesip uıymdastyrǵan bastama joǵary jáne orta bilim arasyndaǵy baılanysty nyǵaıtyp, oqýshylardy ǵylymı izdeniske baýlýǵa arnaldy.
Joba aıasynda ýnıversıtettiń bes ǵalymy qazaq tili men ádebıeti boıynsha taqyryptyq sabaqtar ótkizdi.
Raeva Gýlzat Magaýovna 5-synypta «Fonetıka: til dybystary jáne úndestik zańdylyqtary», Ilásova Naǵıma Ábzelbekqyzy 8-synypta «Morfologıa men sıntaksıs: sóz tulǵasy men sóılem qurylymynyń baılanysy» taqyryptaryn túsindirdi. 
Imanǵalı Órken 10-synyp oqýshylarymen Muhtar Áýezovtiń «Abaı joly» roman-epopeıasyna qatysty «Dáýir, keıipker jáne kórkemdik tanym» taqyrybynda jumys júrgizdi.
Satemırova Darıha Amantaevna 8-synyp oqýshylaryna «Jyraýlar poezıasy: ulttyq rýh, tarıhı jad jáne kórkem sóz» taqyrybynda sabaq berdi.
Ospanov Edilbaı Tólebaıuly 11-synypqa «Esse jazyp úıreneıik: tezıs, dálel jáne qorytyndy» taqyrybynda praktıkalyq sabaq ótkizip, jazba jumystyń qurylymy men negizgi talaptaryn túsindirdi.
Fılologıa fakúltetiniń dekany Botakoz Tleýbekova: «Ýnıversıtette jınaqtalǵan ǵylymı bilim mektep oqýshysyna túsinikti ári qyzyqty túrde jetýi kerek. Bul joba arqyly oqýshynyń suraq qoıýyna, mátindi taldaýyna jáne óz oıyn dáleldeýine múmkindik berýdi kózdeımiz».
Mektep dırektory Nýradınov Nurǵalı Muhıtuly: «Ǵalymnyń mektepke kelip sabaq berýi balalardyń pánge kózqarasyn keńeıtedi. Muǵalimderimiz úshin de bul — ǵylymı orta ókilderimen tájirıbe almasyp, sabaq mazmunyn baıytýǵa múmkindik».
İs-sharaǵa fılologıa ǵylymdarynyń kandıdaty, dosent, Fılologıa fakúltetiniń dekany Tleýbekova Botakoz Týrgambaevna; fılologıa ǵylymdarynyń kandıdaty, aǵa oqytýshy Raeva Gýlzat Magaýovna; fılologıa ǵylymdarynyń doktory, aǵa oqytýshy Ilásova Naǵıma Ábzelbekqyzy; PhD, aǵa oqytýshy Imanǵalı Órken; fılologıa ǵylymdarynyń kandıdaty, dosent, aǵa oqytýshy Satemırova Darıha Amantaevna; fılologıa ǵylymdarynyń kandıdaty, Álem tilderi fakúltetiniń dekany Ospanov Edilbaı Tólebaıuly; PhD, kafedra meńgerýshisi Kýttybaev Shokanhan Dúısenhanovıch; fılologıa ǵylymdarynyń kandıdaty, kafedra meńgerýshisi Qasen Erlan Slambekuly qatysty. Qatysýshylar qatarynda joba avtorlary — PhD, Mansap ortalyǵynyń basshysy Jetibaı Raqymberdi Qajyǵalıuly jáne PhD, Kásibı baǵdar jáne mansapty damytý departamentiniń dırektory Naımanbaev Almas Ábdimanapuly boldy.
Sabaqtardan keıin «Ǵalymǵa suraq» formatynda ashyq pikir almasý ótti. Ýnıversıtet ǵalymdary men mektep muǵalimderi zamanaýı oqytý ádisterin, fýnksıonaldyq saýattylyqty arttyrý joldaryn jáne til men ádebıetti oqytýdyń tıimdi tásilderin talqylady.
