Almatyda qoǵamnyń túrli salasynyń ókilderi qala turǵyndaryn azamattyq belsendilik tanytyp, 23 tamyzda ótetin Quryltaı depýtattarynyń saılaýyna qatysýǵa shaqyrdy, - dep habarlaıdy alnews.
Úndeýge zıaly qaýym ókilderi, ardagerler, ǵalymdar, mádenıet jáne óner qaıratkerleri, sportshylar, kásipkerler, qoǵam belsendileri, óndiris pen qyzmet kórsetý salasynyń mamandary, jastar men blogerler qosyldy.
Olardyń pikirinshe, saılaýǵa qatysý ár azamattyń eldiń qoǵamdyq-saıası ómirine degen jaýapkershiligin bildiretin mańyzdy qadam.
Almatynyń ardagerler qaýymy da bastamany qoldady. Qalalyq Ardagerler keńesiniń keńeıtilgen otyrysynda aldaǵy saılaýǵa qatysý máselesi talqylanyp, túsindirý jumystaryn júrgizý úshin arnaıy shtab quryldy.
Etnomádenı birlestikterdiń ókilderi de úndeý joldap, saılaýǵa qatysýdy el birligi men ortaq bolashaq aldyndaǵy jaýapkershiliktiń kórinisi dep baǵalady. Olar Qazaqstandaǵy etnosaralyq kelisim men ózara qurmet qundylyqtaryna toqtalyp, ár azamattyń jaýapty ustanymy qoǵamdyq turaqtylyq pen birlikti nyǵaıtýǵa yqpal etetinin jetkizdi.
Ǵylymı-sarapshylyq qaýymdastyq ta ortaq úndeýge qosyldy. Ǵalymdar azamattardy saılaý úderisine jaýapkershilikpen qatysýǵa shaqyrdy. Sonymen qatar Fılosofıa, saıasattaný jáne dintaný ınstıtýtynyń saraptamalyq alańynda Quryltaı saılaýynyń qoǵamdyq-saıası mańyzy, saıası júıeni jetildirýdegi jáne qoǵamdyq dıalogty damytýdaǵy róli talqylandy.
Almaty qalasynyń Qoǵamdyq keńesi arnaıy otyrys ótkizip, azamattyq belsendiliktiń mańyzyna nazar aýdardy. Keńes músheleri daýys berý el bolashaǵyna beı-jaı qaramaıtyn azamattyq ustanymnyń kórinisi ekenin atap ótti.
Úndeýge sport qaýymdastyǵynyń ókilderi de qosyldy. Belgili sportshylar almatylyqtardy 23 tamyzda saılaý ýchaskelerine baryp, tańdaý jasaýǵa shaqyrdy. Sondaı-aq, álpınıser de bul bastamany qoldap, azamattyq belsendiliktiń qoǵam ómirindegi róline toqtaldy.
Kásipkerler men bıznes qaýymdastyǵynyń ókilderi de belsendi azamattyq ustanym tanytyp otyr. Qurylys, qonaq úı, kólik, konsaltıń jáne basqa da salalardyń kásipkerleri daýys berýge qatysýdyń mańyzyn atap ótti. Olardyń qatarynda «Iandeks Taksı» kompanıasynyń ókili men ózge de bıznes kóshbasshylary bar.
Ortaq bastamaǵa qalanyń iri ónerkásip kásiporyndarynyń eńbek ujymdary da atsalysty. «Qazlegprom-Almaty», «Asfáltobeton 1», «Almaty nan» jáne Angelcher kompanıalarynyń qyzmetkerleri adal eńbek pen azamattyq jaýapkershiliktiń ózara sabaqtas uǵym ekenin aıtty. Óndiris mamandary eldiń turaqty damýy, otbasy ál-aýqaty men balalardyń bolashaǵy ózderi úshin mańyzdy ekenin jetkizdi.
Qurylys salasynyń mamandary da osy oıdy qoldady. BI Group qyzmetkerleri kún saıyn qalanyń damýyna, jańa turǵyn úıler men zamanaýı ınfraqurylym qalyptastyrýǵa úles qosyp júrgenin atap, saılaýǵa qatysýdy el men keler urpaq aldyndaǵy jaýapkershiliktiń bir bóligi retinde baǵalady.
Bastamaǵa qyzmet kórsetý jáne saýda salasynyń ókilderi, sondaı-aq qoǵamdyq kólik júrgizýshileri de qosyldy. Qoǵamdyq tamaqtaný, servıs jáne shaǵyn bıznes salasynda eńbek etetin mamandar azamattyq belsendilik adamnyń kásibi men áleýmettik mártebesine qaramastan, barshaǵa ortaq ekenin atap ótti.
Al kún saıyn megapolıs kóshelerinde eńbek etetin kýrerler men moped júrgizýshileri de úndeý joldady. 200-den astam moped júrgizýshisi arnaıy beınerolıkterge qatysyp, qurdastaryn azamattyq ustanym tanytýǵa shaqyrdy. Olardyń aıtýynsha, joldaǵy jaýapkershilik sıaqty el bolashaǵyna qatysty sheshim qabyldaýdaǵy sanaly tańdaý da sonshalyqty mańyzdy.
Jastar men blogerler azamattardy saılaýǵa qatysýǵa shyǵarmashylyq formatta úndep keledi. Jas shoýmender tanymal ánniń áýenine beınerolık túsirip, mýzyka men ázildi azamattyq tańdaý taqyrybymen ushtastyrdy.
Ártúrli býyn men mamandyq ıelerin biriktirgen ortaq oı – qoǵam ómirine aralasý ár azamattyń jeke tańdaýynan bastalady.
Óner men sport ókilderinen bastap ǵalymdar men kásipkerlerge, ardagerler men jas mamandardan qurylysshylar, kýrerler, qoǵam belsendileri men blogerler almatylyqtardy 23 tamyzda saılaý ýchaskelerine baryp, Quryltaı depýtattaryn saılaýǵa qatysýǵa shaqyrady.
23 tamyz – saılaý kúni. Ár daýys mańyzdy. Almaty – sanaly tańdaý jolynda.
